يعيد مجلس الشورى غداً الاثنين، مناقشة تخفيض ساعات العمل إلى 40 ساعة، ومنح العاملين بالقطاع الخاص إجازة يومين أسبوعياً، بعد أن كان وافق عليها الشهر الماضي.
وكان عددٌ من أعضاء المجلس تقدموا بطلب، لإعادة النظر في القرار، معتبرين أن تخفيض ساعات العمل سيلحق ضرراً بالاقتصاد الوطني ورجال الأعمال، وأن العمالة الأجنبية هم الذين سيستفيدون من قرار التخفيض، وفقاً لهم. وبحسب المصادر، فإن الأعضاء اقترحوا أن تكون ساعات العمل 45 ساعة أسبوعياً، وفي حال رغبت المنشأة في منح العامل يومين إجازة أسبوعياً، فإنه يتم رفع ساعات العمل اليومية إلى 9 ساعات، ليكون مجموع ساعات العمل أسبوعياً 45 ساعة. ومن المقرر أن يعيد المجلس، خلال جلسة الغد، مناقشة بعض مواد نظام العمل التي صوت بالموافقة على تعديلها قبل نحو شهر تقريباً، بناءً على طلب عددٍ من أعضاء المجلس.
التعليقات
ل احنا شعب ميت بس حيلتنااا فالصحف والمنتدياتن وربي ضعف فيناا يبغالهم هرجه وشوشرة علشااان يحسون ويعطون الناس حقوقهااا
من رجله في النار ليس كمن رجله في الماء
9 ساعات عمل وساعة بريك وساعتين الطريق ويش بقى من الوقت للعائلة
مجلس الشورى ههههههههههههههههههههههههههههههههههههههههههههههههههه
قال ايش مجلس شورى,,هههههههههههههههههههههههههههههههههههههههههههه
والله حرام عليكم تلعبون بعقول الناس ويصدقون إن عندكم سالفة والله إنكم وهالكراسي واحد إلا قليل منكم الصادقون اللي ينشد فيهم الظهر وللأسف طلعوا من المجلس وآخرهم العطيشان بيض الله وجهه مذكرة مكتوبة وبس تجون تقرون الورق وتروحون حسافة الرجال وهالبشوت بس
والله ثم والله إن دوامي من الساعة 8 ص إلى 7 المغرب راحه ساعه بس بعد الظهر طبعن هذا يوم الاحد بس وبقية الايام 8 ص إلى 6ونص المغرب واسمه شركة العجو في طريق الملك فهد في الرياض
ومجلس الشورى 3 ساعات من 10 إلى 1 الظهر وقال مصلحت الشعب
وراتبه فوووووووووووووووق 30 ألف
لكن لايوجــــــــــــــــــــــــــــــــــــــــــــــــــــــــــــــــــــد تعليق
الله ياخذكم مامنكم فايدة وكل واحد حاط مكانته بالمجلس لمصالحه احنا كشباب سعودي ايش ذنبنا يتعبنا ويرهقنا المستثمر الاجنبي ويجني ارباح ع روسنا بس حسبي الله ونعم الوكيل على كل متخاذل
حسبي الله ونعم الوكيل فيكم
وش عليكم دوامكم كم ساعه وتمشون احنا الي شغالين في القطاع الخاص والله العظيم مو عايشين زي الناس اجازه يوم واحد في الاسبوع دوام من الساعه 7.30 الين الساعه 4.30 العصر وعلى بال توصل بيتك تكون 5 او 5.15 مع الزحمه واحيانا اكثر
والله العظيم جلستي في العمل اكثر من جلستي مع اهلي
انا الساعه 11 وانا ادور الفراش من التعب عشان وراي قومه من بدري
لكن حسبي الله ونعم الوكيل
الاجانب يستفيدو من ايش هو ما جاء هنا الي موقع عقد سته ايام في الاسبوع والجمعه عمل اضافي
ورجال الاعمال شغلهم بدون السعودي ماشي
اما الاقتصاد الوطني احنا معكم انه راح يتاثر من القرار هذا
ولكن نرجوا منكم ان تدرسو ان الموظف الحكومي يؤثر على الاقتصاد الوطني
يعني انتم ياعضاء الشوره تدومون السبت عشان اقتصاد الوطن
ونغني وطني الحبيب
تعال جرب الى تقول 9 ساعات دوام في مصلحة الاقتصاد داوم زينا مو نايم ومعبي بطنك وكرشك وتداوم في الاسبوع 3ساعات اجتماع ولا منه فائدة قرارات على الفاضي وقرارات لمصلحتكم مو في مصلحة المواطن (حسبي الله ونعم الوكيل)
لاحول ولا قوة الا بالله اهم شي مايرتاحو العمال المساكين الي راتب الواحد فيهم مايتعدى 1000 ريال كيف لازم يكرفو عليهم حتى يطلعو الالف من عنيهم ياخي خافوا الله
واضحة تماما …. هؤلاء لهم مصلحة أو يمكن هم تجار بأنفسهم.
ما شاء الله يعني الخمس ساعات هذي راح تغنيهم أو تفقرهم …. صدقوني الخمس ساعات هذي راح تشتروا فيها أعلى درجات الولتء والإخلاص من الموظفين …. ولكن الطمع يمحق ما جمع….
ما نقول الا حسبس الله ونعم الوكيل وبس.
وبعدين هؤلاء ما يدامون الت ثلاث ساعات يوميا وبس بالمجلس وسومسن إجازة.
ولا ننسى إن إعادة التصويت على هذا القرار متعمد وقد يكون بمثابة كسر مجاديف وخطط معالي وزير العمل.
وصدقوني أن يصوتون على مواد في غير مصلحة الشاب السعودي….. يعني ما تكفيهم دراسة الموارد البشريه!!!!!!!!!!!! بهذا الخصوص.
ولكن المرتزقه هؤلاء ما يكسر رؤوسهم إلا أبو متعب الله يطول بعمره وتقريبا إنهم نسوا إن هذه الماده كان طلب من ولي اﻷمر الله يحفظه …. ولكن بإسلوبهم هذا يشير أن ولائهم هذا يصب في مصلحتهم الشخصيه فقط أو فيمن أرسلهم دونن النظر في ولاء وإحترام طلب ولي الأمر.
حسبنا الله ونعم الوكيل وكفى عليهم
ماوراكم الا الهدرة الفاضية يامجلس الشوربة
مااستفاد المواطن منكم الا حبكم للظهور الاعلامي
مشالله تبارك الله اكيد ان هولا الاعظي الخمسة عشر لهم مصلحه اكيده من وين طلعتو علي المواطننين والله حرام انكم تمثلون مجلس الشوراي انتم ومن هو ضد راحت الشباب السعودي واكيد هذا انتم واسطة التجار وممهدي الطريق لهم ويعلم كل واحد منكم ان السعودي لديه التزامات اسريه ولايستطيع الالتزام مع القطاع الخاص من صباح الله حتي مغيب الشمس لاكن الي يده في الثلج ماهو مثل الي يده في النار ياخي للماذا لايقتصر السعودي من هالقرار لاكن الله يعين السعودي ماله الا اللااستقاله حسبي الله عليكم نبغاكم تكحلونها واعميتوهااااا مانقول الاحسبي الله ونعم الوكيل
اروجوا علينا
اترك تعليقاً