تذمر عدداً من طالبات كلية النماص التابعة لجامعة بيشة من عدم اهلية مبنى الكلية للتعليم الجامعي وعدم وجود الوسائل التعليمة المساعدة كشاشات العرض ، حيث أن التلفزيونات الموجودة بقاعات الدراسة لاتظهر الصوت والصورة وكذلك سوء دورات المياة في الكلية ، وابلغ عدد من طالبات الكلية “صدى” بارتفاع اسعار الوجبات داخل كافتيريا الكلية مشيرين أيضاً بأن غرفه الطبيبة خاليه من الادوية!.
كما شكت الطالبات من بعد المسافة التي يقطوعنها من والى الكلية ومن عدم وجود حافلات تكفى لنقل الطالبات ، حيث يضطرون للازدحام والوقوف داخل الحافلة ، وناشدن الطالبات عبر “صدى” معالي وزير التعليم عزام الدخيل بتشكيل لجنة لمحاسبة المقصرين على تقصيرهم واهمالهم لصرح تعليمي هام في المحافظة بشكل خاص والمنطقة بشكل عام وكلاهن آملاً في معاليه بانه لايقبل بأن تكون المباني الجامعية بهذا السوء والأهمال.
وحصلت “صدى” على صوراً من المبنى تكشف حال الكلية من الداخل وعدم اهليتها للتعليم الجامعي،حيث بينت الصور تهالك المبنى وسوء الارضيات وقاعة الدراسة ودورات المياة وكذلك عدم وجود صيانة للمبنى.
التعليقات
الحين وش دخل العسابلة فالسالفه خييييير ما نهب الدنيا الا هم خير يعطون فلوس اذا ما اخذوا ما اعطوا وقصور عالبحر في جدة امانه بالله وش تحسين فية العفن اللي في راسك اغسلية وبلاش الترفيع بناس حالهم حال غيرهم على بالك بيقرون تعليقك ويقولون يا الهي كلامها جميل اعطوها حفنه من الدنانير والله ما تشمين ريال
أول ماشفت الكليه .. حسبتها سكن للعزاب ..!! هع
الحل هو الانتقال إلى المبنى الجديد وهو مبنى رائع يليق بالطالبات والمسألة مسألة وقت فقط اما العميدة والإدارة فلا تقصير عليهم فمثلا تم استقبال الطالبات الجدد فى حفل رائع وعمل عرض فيديو مفصل به جميع ما يتعلق بأنظمة الدراسة ويوجد بكل قسم مرشدة أكاديمية وتم عمل دورات تدريبية للطالبات من قبل العميدة وأعضاء هيئة التدريس و قريبا سيتم الانتقال إلى المبنى الجديد وهو على وشك الانتهاء
الله يشفيهم يفلحون في دروسهم ويتسترون زين اذا طلعت الوحدة الشارع تحسين كن الوحده طالعه بروب حمام ؛ الشعر بر والكراعين برااا والوجه ماعليه الا غطاءعذر وكذاب ويخلونهم من قله الحياء هيه المباني قديمه يصبرون شويه وبينقلون الكليه الجديده بس ماعاد به بنات تستحيء ;
ههههههههههههههه لا عزبه بنقاليه
جد حرام كذا جامعه ذى والله المدارس صارت احسن واجمل منها ارتقوا واتقواالله حرام ذى اسمها جامعه خرابه ذى
حطوني عميدة حرام لامشيكم ع الصراط المستقيم مررررررة متحمسة ياخي ماحب الفساد حتى بشكلي مافية فساد مزة امزح
ماادري ليش عندي احساس انك انت عاطل في البيت ..وزوجتك هي اللي تصرف عليك وكاسره عينك عشان كذا من حرت قلبك قلت هالكلام السامج …!! ايش التخلف والهبل اللي انت فيه يا غليس فعلاً اسمك لايق عليك غلس
بي عن ارواحنا نرحم انا مكافاتي 800 واعطيها السواق كلها حسبي الله
كأنها في الصومال
اقول الحمد لله واصه
والله نوعك من العصر الحجري وافكاره يسد انفس البنات عن الزواج 🙂
صرااحه كليه خايسه …. الحمدلله طلعت منها بسلام
من جد وش ذَا وين المسؤولين ؟؟؟؟
يعني لهذي الدرجه مافيه ذمه وضمير !!
طيب تزوجو وبدون دراسه يعني مو لازم دراسه
اي والله صدقتي اخت سلمى الوحده كبر جدتي ودك انها تشرح زي الناس الا تقلب ف المرجع وتتثاوب وجالسه ولا شهادات مزوره حسبنا الله على كل من له يد ولا يعدل شيء
اسعد الله مسائكم بعض الكلام اللي قريته وضع العتب والفساد ع الطالبات لعلمكم انا متخرجه منذ 7سنوات وضع الكليه زي ماهو بالصور يعني ماتغير شيء ونجي للعميده والله العظيم منذ ان درست الى ان تخرجت ماشفتها طلعت ولا مرت ع الكليه سواء من ساخات او المباني او الكفتريا الخايسه يعني ماغير تتقهوا وجالسه عند دفايتها ما درت عن شيء العتب عليها وين حرصها ماتتفقد الكليه اهمها ان الطالبات ينتظمون بالزي ولا يدخلون اكل معهم عاد من زين الكفتريا يا اختنا ف الله اتمنى من الله ثم منكم تغييرها للافضل ورب البيت تقول عزبة هنود
حبيبتي معليش الكلام هنا عّن الكليه رجال الهيئه وأي شي برا الكليه يخصك لحالك ورجال الهيئه ماقالو غطي عيونك على قولتك الا انهم خايفين عليك من الشباب والفتنه والعذاب بدال ماتشكرينهم تجين تتشكين منهم؟؟؟رجال الهيئه باْذن الله باقين غصب عن الي يبي والي مايبي والي موب عاجبه يروح يعيش برا السعوديه ،،،وشكرا
الغسالات والمواصير والمجاري والارض والبلاط والكراسي الي نسحبها كل ماندخل محاظره احنا الي سويناها وبأيدينا ؟؟ لا الحق ينقال وصادق في بعض الكلام وبعضه لا
نتمنى من يوصل الشكوى لملك الحزم الله يحفظه
والله غير ينخلهم نخل .
للاسف الشديد ان في شي اكثر من ذلك الدكتوراة كم عمرها بالله ياناس حرام عليكم زيها خلاص رحمه ليه باقي تدرس ليتها وحده لكن اكثر من وحده
ثانيآ العسابله وش دخلهم في الموضوع لو يقدرون يسون شي كان سو هذولا ماهمهم الا انفسهم هم وغيرهم مانقول الا حسبنا الله ونعم الوكيل املنا في قيادتنا الكريمه تشوف لنا حل
في فرق بين اللي يروحون جامعه تفتح النفس للدوام وفي فرق بين اني اروح لمزبله وقرف وتعامل ماش صراحه صار اني ابغا اغيب اكثر من اني اداوم وسلامتكم ..
المبنى قديم ججدا والحمامات ايضاً جداً جداً قديمه الطالبات مالهم دخل فيها والكتابات والشخابيط على الجدران من سنوات قديمه صار لها خمس او ست سنوات لم تتم ازالتها ما اقول الطالبات بريئات بس الحمامات مالهم دخل فيها يااخي حتى المفاتيح مافيها
درست ٥سنوات في الكليه وماسمعت او شفت او حصل لي موقف من الهيئه ف خليك بعيده عنهم ..
ايوا الله حسبنا الله ونعم الوكيل..لا دكاتره زي الناس جايبين لنا سودانيات عجايز الوحدهً ماتقدر تقوم ولا لها حيل تشرح ..المبنى ماتغير كل سنه فيه ميزانيهً وياكلونها ..غير كذا الضابطات شايفين انفسهم والسنتهم وصخه وترا راتبها مايتعدا 800 فليش تهايطين ..جدااااااااااا سيئه
حسبنا الله ونعم وكيل عليهمم لا جامعه زي الناس ولا دكاتره زي الناس الله فوق
لو سمحت لا تحكم ع الكل …فيه ناس مالهم ذنب دخلوا المبنى ووجدوه بهذا الشكل .. والمبنى مهترء ف الأصل .. وكان مدرسه ف البدايه وكيف تسمح اداره التربيه والتعليم من الأساس بجعل مبنى صديم ك جامعه ؟؟؟
هذا حالها من يوم درست فيها لين تخرجت منها من قذاره في قذاره والأسوأ ان اغلب شهادات الدكاتره فيها مزوره والضابطات قليلات حيا والفاظهم وسخه ع البنات والرسوب فيها والنجاح ضربة حظ لا يفرق بين الشاطره والكسلانه ومع ذلك انا اراهن ان تبقى ع هالحال فتره طويله لان العفن واصل فيها للعظم والحمدلله اني تخرجت من هذا المستنقع
المبنى الجديد ايل لسقوط للاسف هذا كلام المهندس الي شافه خلو الباصات حججججه
الجامعات الحكومية اغلبها كذا .. انا جامعتي شيء عجيب .. انتم تشتكون لانه قلة بالتجهيزات ..و الشاشات .. نحن مافيه الا عدد قليييييييل جدا و سيئة الشاشات .. حتى السبورة اللي المفروض.. ندرس فيها و كذا .. ما تساعد .. يعني لو كتبت بقلم السبورة ما يروح الحبر ابد .. نصير نجيب منظفات نحن و نقعد ننظف فيها .. و في صور كثيييير تدل انه غير قابلة للتعليم فيها .. بس بصراحة .. السبب جزء يعود على العميد و المسؤولين و جزء يعود على الطالبات نفسهم .. لانه اغلب الطالبات يسبو الجامعه بأنها مو نظيفه و الحق يقال .. ان الجامعه بالصباح نظيفة جدا .. ما عدا الكفيتيريا اللي شغلهم سيء و مو نظيف و الطالبات هم اللي يوسخو بحجة عاملات النظافه لازم يحللو الراتب …
بعض المطالب معهم حق فيها وبعضها من صنع أيديهن يجب أن نقول الحق ولو على أنفسنا.
كمثال دورات المياه من الذي عبث بها وجعلها بهذا الشكل واضح من الصور أنهن الطالبات
واقصد هنا بالمجمل وليس طالبات مرحلة أو سنة معينة.
للأسف أصبح البعض يخرب ويوسخ ويريد أن يأتي بعدها ليرى المكان مجهز ونظيف
على أكمل وجهة ليفعل نفس فعلته الأولى.
ثقافة الممتلكات العامة والمحافظة عليها عندنا غائبة بل معدومة إلا لدى من رحم الله
مشكلتنا الأساسية نطلب كل شيء ولا نقدم شيء حتى مجرد المحافظة على الممتلكات العامة نفتقدها إلا لدى فئة قليلة
الله يعينكم وقريبا ان شاء الله في المبنى الجديد شدواا حيلكم
ونسيت اقول ان مكافئتي سحبوووووووووووووها بحجة اني تاخرت لسحبها شهرين والله ماسامحهم نار تاكلهم يوم الدين
اش القرف ذاااا
كنت اسئل نفسي ليه مايزيدون التخصصات ف الكليه اثاري ذا حالهم الله يعين اللي يدرسون فيها بسس
اوﻻ المجاري ثانيا الاسعار ثالثا الهيئة اللي برا المطاوعة اقصد المتاجرة باسم الدين خييييييير الفاظهم ع البنات وصخة واي بنت مطلعة عيونها يطالع ي شيخ انقلع ماضيعت تطالع اﻻ عيوني وكمان الاعلانات بالجامعة مية اعلان ملصق بورق ابيض اذا اشتكيت من شي يقولون ماقريتي الاعلان لعن ابوكم كل الجامعة ورق وكمان من خمس سنين بانين الجامغة الجديدة ومخلصينها تقريا ثمانين بالمية ليش ماينقلونا ويرحمونا شوية واخيرا المواقف برا اصلا مافيه مكان شارع بالطول كله سيارات رايحة جاية والنص الثاني واقف خلاص طفشت كم انا مااتشكى
للاسف يد الفساد طالت كل شي اين المسؤلين عن هذه المهزلة كفى ضحكاً على الدقون نريد فعل شي ينهي هذه المهزلة
الي يرضى على نفسه هالشي ف اكيد بيرضاه ع غيره نطااااااالب بمسؤول يشوف لنا حل فيه مباني ماقلنا سوو شي جديد بس خلاص انقلونا.اعطو البنات شوي من حقوقهم لو جامعه اولاد كل شي يلق فيها
الي قاهرني ان الجامعه الجديده جاهزه من 10 سنوات وكل سنه يقولون بننقل ويتحججون بعدم وجود مواقف للباصات!!!!! استهتار لابعد حد.العميده مامنها خير اتمنى احد له ضمير يتدخل ف الموضوع لانها بصراحه زززقققتت معنااااا..
وربي انك صادق لكن حسبنا الله ونعما الوكيل فيهم وفي مدير الباصات…
اسعار وقلنا ماشي بس توصل أن المجاري تطلع علينا ف ساحة الجامعة معليش والمباني صارت عش غنم حتى الغنم بيوتها انظف واحلى من الجامعة
الله يرحمه قد مات
اليوم حات تتمشى العيده قالك مهتمه ولا سوت شي يعني ما رح تنفعنا لازم يوصل صوتنا للاعلى
من بداية بناء الكليه وفيها فساد
اسالوا عن المقاول اللي بناها وبتعرفون ان التاسيس غلط من بدايته
لو انها بالرياض ولا بالقصيم مالقيتها كذا لاكن الشمال والجنوب مهمل من اكثر من مؤسسة خدمية وتعليمية
هذي جامعه؟
للاسف هذا الواقع المر يتكرر مابين مدارس وجامعات ومستشفيات وخصوصا في القرى والمدن الصغيره
يجب رفع الشكوى للملك لان مافيه استجابه ولا ضمير ولا حس وطني ولا اخلاقي ولا انساني
غريبه ألنماص كذا مع إنه يوجد شيوخ فيها وهم العسابله والامراء ماخذين من عندهم واعطوهم فلوووس وصارلهم قصور في المدن وعلى البحر في جده ،، وهذا حال ألنماص
وين وزارة التربيه والتعليم عن هذا القررف والله انها انسدت نفسي حسبي الله ع من كان السبب
هاي نمول
حسبي الله ونعم الووووكككككيل مزبله ذي ووين ? الله يكون بعونكم
الى متى وعدم الاهتمام بالكليات والمدارس .. لازم من محاسبة المقصرين في هذا الاتجاه
اقسم بالله يا اكثر ناس يتقطع عليهم قلبي كلية النماص حقت البنات ياناس البنات مو زينا يطالبون ويشتكون حدهم يداومون وحتى القاعات تقول اختي والله مانستوعب حتى موضوع المحاضره من قلة التجهيزات وكمان احب انبه كل من يقرا تعليقي من مسؤول وغيره الله يرضى عليكم وقفوا الكفتيريا الي فيها عند حده لان اسعارها غااااليه البنات تراهم ع قد حالهم ي الله تكفيهم مكافئتهم وكمان بعضهم تروح مكافئتهم ف السواق الي يجيبها الجامعه .. اتقوا الله فيهم
ذي كلية ولا عزبة بنقالية ؟؟
ايه
هاي كسار
كل هدا من الفساد اتقوا الله ياوزارة التعليم تري الحكومة اعطتكم الملايين لرفع مستوي التعليم لكن كله في بطونكم
استغفر الله العظيم هذه كليه ولا شنو الله المستعان
اذكر ان هذا كان مجمع مدارس للبنات وهو قديم له اكثر من ثلاثين سنه فكيف يحول الى كليه جامعيه يجب محاسبة من تسبب في هذا وهو مدير التعليم السابق للنماص ومدير المشاريع للبنات في ادارة التعليم لانهم هم سبب الفساد عندما كانت تتبع هذه ادارتهم 0
حتى في المدارس وصل شغل الترقيع
اشهر دولة في الصبات وترقيع الطرق هي دولتنا للاسف
بالله هذا مبنى حكومي
المشكلة الدوائر الحكومية اللي تراقب المنشئات الخاصة دايم يغرمون المنشئات الخاصة وهي والله انظف بكثير من الدوائر والمنشئات الحكومية
اترك تعليقاً